Yozgi transfer oynasida «PSJ»ni Kilian Mbappe tark etadi. 

Todofichajes xabariga ko‘ra, yana bir top hujumchi Usmon Dembele ham Parij klubini tark etishi mumkin.

Manbaga ko‘ra, Luis Enrikening o‘z rejalarida Dembele uchun joy topolmagan. Mutaxassis 27 yoshli futbolchining transferi uchun yashil chiroq yoqishga tayyor.

Dembele Premyer-liga klublaridan biriga o‘tishi yoki Saudiya Arabistoniga ketishi mumkin. «PSJ» fransiyalik futbolchi uchun kamida 60 million yevro ishlab olishi mumkin.

Bu pullarni Enrike o‘z talablariga ko‘proq mos keladigan futbolchilarning transferlariga sarmoya qilishi mumkin.