"Manchester Yunayted" bir nechta sotuvlarsiz ambisiyali transferlarni amalga oshirishi qiyin bo‘ladi. Erik ten Xag jamoasi Premyer-ligada omadsiz o‘ynadi va faqat sakkizinchi o‘rinni egalladi, bu esa klubni transfer bozorida faol bo‘lishiga turtki bo‘lishi mumkin.

Jurnalist Kris Uilerning so‘zlariga ko‘ra, “Manchester Yunayted”ning byudjeti hozirda 35 million funt sterlingdan sal ko‘proq (41 million yevro). “Qizil iblislar” katta kuchayish uchun bir nechta qimmat futbolchilarni sotishga majbur bo‘ladi.

"Manchester Yunayted" sotuvi 50 million yevrodan ko‘proq daromad keltirishi mumkin bo‘lgan Jeydon Sancho bilan xayrlashishni rejalashtirmoqda.