"Nyukasl" bu yozda Aleksandr Isakni sotmaydi.
"Nyukasl" manbalarining The Telegraph nashriga aytishicha, klub hujumchini 90 million funt sterlingga sotishga tayyor ekani haqidagi OAV xabarlarini "masxara qilgan".
"Qarg‘alar"ning ta’kidlashicha, potensial xaridorlar klubga taklif bo‘yicha muzokaralar olib borishga rozi bo‘lishlari uchun kamida ikki baravar pul taklif qilishlari kerak.
Shvesiyalik futbolchining amaldagi klubi bilan shartnomasi 2028 yilgacha mo‘ljallangan va tomonlar hozirdanoq shartnomani uzaytirish bo‘yicha muzokaralar olib borishmoqda. "Nyukasl" bosh murabbiyi Eddi Xau Isak atrofida hujumkor o‘yin qurmoqchi va u klubning uzoq muddatli rejalarining bir qismi.
Shu tariqa, 24 yoshli hujumchiga qiziqish bildirayotgan "Arsenal" bu yil uni o‘z safiga qo‘shib ololmaydi.
O‘tgan mavsumda Aleksandr Premyer-ligada 30 ta o‘yin o‘tkazib, 21 ta gol urgan.
