"Ньюкасл" бу ёзда Александр Исакни сотмайди.
"Ньюкасл" манбаларининг The Telegraph нашрига айтишича, клуб ҳужумчини 90 миллион фунт стерлингга сотишга тайёр экани ҳақидаги ОАВ хабарларини "масхара қилган".
"Қарғалар"нинг таъкидлашича, потенциал харидорлар клубга таклиф бўйича музокаралар олиб боришга рози бўлишлари учун камида икки баравар пул таклиф қилишлари керак.
Швециялик футболчининг амалдаги клуби билан шартномаси 2028 йилгача мўлжалланган ва томонлар ҳозирданоқ шартномани узайтириш бўйича музокаралар олиб боришмоқда. "Ньюкасл" бош мураббийи Эдди Хау Исак атрофида ҳужумкор ўйин қурмоқчи ва у клубнинг узоқ муддатли режаларининг бир қисми.
Шу тариқа, 24 ёшли ҳужумчига қизиқиш билдираётган "Арсенал" бу йил уни ўз сафига қўшиб ололмайди.
Ўтган мавсумда Александр Премьер-лигада 30 та ўйин ўтказиб, 21 та гол урган.
