Eronlik hujumchi Mehdi Taremi klubdagi to‘rt yillik faoliyatidan so‘ng "Portu"ni tark etadi. Klubdagi so‘nggi o‘yinida u "ajdarlar"ga Portugaliya kubogini qo‘lga kiritishga yordam berdi - "Portu" "Sporting"ni mag‘lub etdi (2:1).
"So‘nggi to‘rt yil davomida "Portu"da o‘ynaganimdan faxrlanaman, bu g‘ayrioddiy va sehrli davr bo‘ldi, men klub haqida juda iliq xotiralarni saqlab qolaman. Bugun men hal qiluvchi golni urdim, bu aql bovar qilmaydi. Biz kubokni qo‘lga kiritdik va bu biz uchun katta sharaf", - deya Taremining so‘zlarini keltiradi Porto Canal.
Keyingi mavsumda eronlik forvard "Inter" tarkibida Italiyada o‘ynaydi.
