"Manchester Yunayted" nafaqat himoya markazini, balki hujumni ham kuchaytirish niyatida.
Ma’lumki, yangi markaziy himoyachilarni qo‘lga kiritish "qizil iblislar"ning yaqinlashib kelayotgan transfer oynasidagi ustuvor maqsadi hisoblanadi. Jurnalist Rob Dousonning so‘zlariga ko‘ra, klub hujumchi va markaziy yarim himoya pozisiyalari uchun ham transferlarni rejalashtirmoqda. Qolaversa, yangi vingerlarni topish ustida ish olib borilmoqda, biroq ular hujum qanotlarini kuchaytirishga shoshilinch ehtiyoj sezmayapti.
"Manchester Yunayted" mavsumni APL turnir jadvalida sakkizinchi o‘rinda yakunladi, ammo Angliya kubogida g‘alaba qozona oldi. Erik ten Xagning yangi mavsumda jamoa bosh murabbiyi bo‘lib qolish-qolmasligi hozircha ma’lum emas.
