"Манчестер Юнайтед" нафақат ҳимоя марказини, балки ҳужумни ҳам кучайтириш ниятида.

Маълумки, янги марказий ҳимоячиларни қўлга киритиш "қизил иблислар"нинг яқинлашиб келаётган трансфер ойнасидаги устувор мақсади ҳисобланади. Журналист Роб Доусоннинг сўзларига кўра, клуб ҳужумчи ва марказий ярим ҳимоя позициялари учун ҳам трансферларни режалаштирмоқда. Қолаверса, янги вингерларни топиш устида иш олиб борилмоқда, бироқ улар ҳужум қанотларини кучайтиришга шошилинч эҳтиёж сезмаяпти.

"Манчестер Юнайтед" мавсумни АПЛ турнир жадвалида саккизинчи ўринда якунлади, аммо Англия кубогида ғалаба қозона олди. Эрик тен Хагнинг янги мавсумда жамоа бош мураббийи бўлиб қолиш-қолмаслиги ҳозирча маълум эмас.