Bundan roppa-rosa 20 yil avval, 2004 yilning 2 iyunida Joze Mourinyo "Chelsi" bosh murabbiyi sifatida tanishtirilgan edi.
Debyut matbuot anjumanida portugaliyalik murabbiy o‘zini "Benazir" deb atagandi. O‘shandan beri "Special One"ning bu taxallusi Mourinyoga qattiq yopishib oldi.
"Meni takabbur deb o‘ylamang, lekin men Yevropa chempioniman va o‘zimni o‘zgacha deb hisoblayman" - degandi Mourinyo o‘shanda jurnalistlarga.
Eslatib o‘tamiz, "Chelsi"ga o‘tgunga qadar Joze Mourinyo "Portu" bilan Chempionlar ligasida g‘olib chiqqan edi. Qit’aning klublar o‘rtasidagi asosiy turniri finalida “ajdarlar” “Monako”ni 3:0 hisobida mag‘lub etishgandi. Angliyadagi ilk mavsumida Mourinyo "Chelsi" bilan Angliya chempioniga aylangandi.
