"Barselona"ning sobiq futbolchisi, hozirda "Inter Mayami"da to‘p tepayotgan Jordi Alba "Real"ning Chempionlar ligasidagi g‘alabasi haqida gapirdi.
Ular so‘nggi o‘n yil ichida oltinchi, tarixda esa 15-marta eng nufuzli yevrokubokni qo‘lga kiritdi. Madrid gigantlarining muvaffaqiyati haqida so‘ralganda, Alba bunga ahamiyat bermasligini aytdi.
"Barselona" bilan bog‘liq bo‘lmagan har qanday narsa meni qiziqtirmaydi", - deya 35 yoshli chap qanot himoyachisining so‘zlaridan iqtibos keltiradi Barca Universal.
"Real" Chempionlar ligasi finalida Dortmundning "Borussiya"sini mag‘lub etdi (2:0). Uchrashuv 1 iyun kuni bo‘lib o‘tdi.
