"Барселона"нинг собиқ футболчиси, ҳозирда "Интер Майами"да тўп тепаётган Жорди Альба "Реал"нинг Чемпионлар лигасидаги ғалабаси ҳақида гапирди.
Улар сўнгги ўн йил ичида олтинчи, тарихда эса 15-марта энг нуфузли еврокубокни қўлга киритди. Мадрид гигантларининг муваффақияти ҳақида сўралганда, Альба бунга аҳамият бермаслигини айтди.
"Барселона" билан боғлиқ бўлмаган ҳар қандай нарса мени қизиқтирмайди", - дея 35 ёшли чап қанот ҳимоячисининг сўзларидан иқтибос келтиради Barca Universal.
"Реал" Чемпионлар лигаси финалида Дортмунднинг "Боруссия"сини мағлуб этди (2:0). Учрашув 1 июн куни бўлиб ўтди.
