1-2-iyun kunlari Toshkentda yengil atletika bo‘yicha O‘zbekiston ochiq chempionati bo‘lib o‘tdi.

Unda yurtimizning turli hududlari, shuningdek, Tojikiston, Ukraina, Qozog‘istondan tashrif buyurgan 350 nafardan ortiq sportchi g‘oliblik uchun kurash olib bordi.

Yakunda 9 ta oltin, 6 ta kumush va 4 ta bronza medallarini jamg‘argan Samarqand viloyati jamoasi umumjamoa hisobida birinchi o‘rinni qo‘lga kiritdi.

7 tadan oltin, kumush va bronza medallariga sazovor bo‘lgan poytaxt jamoasi ikkinchi, 5 ta oltin, 6 ta kumush va 8 ta bronza medallari bilan Toshkent viloyati kuchli uchlikdan joy oldi.