"Tottenxem"ning o‘ng qanot himoyachisi Emerson Royal boshqa klubning transfer maqsadiga aylandi. May oyi boshida qiziqishi ma’lum bo‘lgan braziliyalik futbolchiga "Milan" asosiy da’vogar sanaladi.
Endilikda "Vilyarreal" ham 25 yoshli futbolchini maqsad qilgan, deya xabar beradi insayder Janluka di Marsio. Ispaniya klubi Emersonni "rossoneri"dan tortib olmoqchi, ammo bu oson bo‘lmaydi, chunki "shporlar" himoyachisining o‘zi Italiya grandiga o‘tishni afzal ko‘radi.
Ba’zi ma’lumotlarga ko‘ra, "Tottenxem" Emerson Royalni 25 million yevroga baholagan. Himoyachining London klubi bilan shartnomasi 2026 yilgacha mo‘ljallangan.
