"Тоттенхэм"нинг ўнг қанот ҳимоячиси Эмерсон Роял бошқа клубнинг трансфер мақсадига айланди. Май ойи бошида қизиқиши маълум бўлган бразилиялик футболчига "Милан" асосий даъвогар саналади.
Эндиликда "Вильярреал" ҳам 25 ёшли футболчини мақсад қилган, дея хабар беради инсайдер Жанлука ди Марцио. Испания клуби Эмерсонни "россонери"дан тортиб олмоқчи, аммо бу осон бўлмайди, чунки "шпорлар" ҳимоячисининг ўзи Италия грандига ўтишни афзал кўради.
Баъзи маълумотларга кўра, "Тоттенхэм" Эмерсон Роялни 25 миллион еврога баҳолаган. Ҳимоячининг Лондон клуби билан шартномаси 2026 йилгача мўлжалланган.
