«Ливерпул» клуби ярим ҳимоячиси Доминик Собослаи Саудия Арабистонининг «Ан-Наср» клуби ва Португалия терма жамоаси марказий ҳужумчиси Криштиану Роналдунинг профессионаллиги ҳақида ўз фикри билан ўртоқлашди.
«Менинг кумирим бор эди – Криштиану Роналду. Ўйин услуби учун эмас, балки унинг менталитети ва меҳнатсеварлиги учун. Ёш бўлганимда унинг таржимаи ҳолини ўқиганман, қандай шуғулланиши ҳақидаги видеоларни томоша қилганман», — дея Собослаининг сўзларидан иқтибос келтиради L’Equipe.
Шу билан бирга, Венгрия терма жамоаси хавбеки ҳозирги вақтда буюк футболчилар орасида ўрнак оладиган кумирлари йўқлигини қўшимча қилди.
41 ёшли Роналду ЖЧ-2026 турнирининг 1/8 финалигача етиб борди. Чорак финалга португалияликларни Испания терма жамоаси қўймади, улар 1:0 ҳисобида ғалаба қозонишди. Роналду Шимолий Америкадаги турнирда бешта ўйинда учта гол урди.
