Madridning “Real” klubi markaziy himoyachisi Nacho Fernandes yaqin kelajakda “Inter Mayami” safiga borib qo‘shilmaydi.
"Los-Blankos" sardori klubni erkin agent sifatida tark etishi mumkin - u hali ham muddati tugaydigan shartnomasini uzaytirgani yo‘q. 34 yoshli futbolchiga da’vogarlardan biri allaqachon Lionel Messi, Jordi Alba, Serxio Buskets va Luis Suaresga ega "Inter Mayami" edi. Ko‘rinib turibdiki, floridaliklar La Liganing yana bir yulduzini o‘ziga jalb eta olmaydi: jurnalist Niko Bravoning so‘zlariga ko‘ra, "Inter Mayami" ikki nafar himoyachi bilan shartnoma imzolamoqchi, ammo gap Meksika va Argentina ligalari vakillari haqida ketmoqda. Ayni damda klub Nacho kabi yuqori saviyali o‘yinchilarni sotib olishga qurbi yetmaydi.
