"Yuventus" futbolchisi Federiko Kyeza "Roma"ga o‘tishga tayyorligini ma’lum qildi. "Byankoneri" 26 yoshli futbolchi bilan yaqinlashib kelayotgan transfer oynasida xayrlashishga tayyor.
Jurnalist Janluka di Marsioning so‘zlariga ko‘ra, Kyezaning o‘zi agenti orqali allaqachon “Roma”ga o‘tishga tayyorligini ma’lum qilgan. Vingerga rimliklar tomonidan taklif qilingan loyiha yoqdi. Klublar o‘rtasidagi muzokaralar hali boshlanmagan.
Federiko Kyeza 2020 yildan beri "Yuventus"da o‘ynab kelmoqda. O‘tgan mavsumda Italiya terma jamoasi futbolchisi "keksa sinyora" safida barcha turnirlarda 37 ta o‘yinda maydonga tushib, o‘nta gol va uchta golli uzatmaga mualliflik qilgan.
