Himoyachi Yosip Stanishich "Bayer" bilan ajoyib mavsum o‘tkazdi. Xorvatiyalik Germaniya chempioni va mamlakat kubogi g‘olibiga aylandi. Endi ijara muddati tugagach, 24 yoshli futbolchi “Bavariya”ga qaytadi.
Xabarga ko‘ra, Stanishich myunxenliklardan yangi besh yillik shartnoma oladi.
Bundan tashqari, “Bavariya” 20 yoshli yarim himoyachi Aleksandr Pavlovichga 5 yillik mehnat shartnomasini taklif qiladi.
Qisqasi, “Bavariya” uzoq muddatda Stanishich va Pavlovichga umid qilmoqda. Eslatib o‘tamiz, Vensan Kompani yaqinda “Bavariya” bosh murabbiyiga aylandi.
