Chernogoriya terma jamoasining 26 yoshli darvozaboni Matiya Sharkich vafot etdi. Futbolchining o‘limi haqida darvozabon o‘tgan mavsumda o‘ynagan Londonning "Milluoll" klubi rasmiy sayti xabar berdi.

Chernogoriya OAVlari bergan ma’lumotlarga ko‘ra, Sharkich terma jamoadagi tanaffus paytida yuqtirgan kasallikdan bugun ertalab vafot etgan. Chernogoriya vaqti bilan soat 6:30 da futbolchining do‘stlari tez yordam chaqirishgan, biroq shifokorlar Matiyaning hayotini saqlab qola olishmagan.

Aynan o‘tgan haftada Sharkich Belgiyaga qarshi o‘rtoqlik uchrashuvida Chernogoriya terma jamoasining asosiy darvozaboni bo‘lgandi. Matiya ushbu uchrashuvda 8 ta seyv amalga oshirdi va uchrashuvning eng yaxshi futbolchisi sovrinini qo‘lga kiritdi.