Черногория терма жамоасининг 26 ёшли дарвозабони Матия Шаркич вафот этди. Футболчининг ўлими ҳақида дарвозабон ўтган мавсумда ўйнаган Лондоннинг "Миллуолл" клуби расмий сайти хабар берди.
Черногория ОАВлари берган маълумотларга кўра, Шаркич терма жамоадаги танаффус пайтида юқтирган касалликдан бугун эрталаб вафот этган. Черногория вақти билан соат 6:30 да футболчининг дўстлари тез ёрдам чақиришган, бироқ шифокорлар Матиянинг ҳаётини сақлаб қола олишмаган.
Айнан ўтган ҳафтада Шаркич Бельгияга қарши ўртоқлик учрашувида Черногория терма жамоасининг асосий дарвозабони бўлганди. Матия ушбу учрашувда 8 та сейв амалга оширди ва учрашувнинг энг яхши футболчиси совринини қўлга киритди.
