Tabiiyki, ortda qolgan 16ta turnirda rekord va antirekordlarni o‘z ichiga olgan katta kitob yuzaga kelgan.
Demak, quyida eng asosiy ko‘rsatkichlarga birrov nazar solamiz. Zero, Germaniya-2024 turniridan so‘ng ularning ayrimlari o‘z ahamiyatini yo‘qotishi hech gap emas.
Aytgancha, milliy termamiz ustozi qayd etgan turnirning eng yosh murabbiyi Serechko Katanes (36 yoshu 333 kun) rekordini Yulian Nagelsmann yangilab qo‘ydi. Gap shundaki, mezbonlarning "karvonboshisi" Yevro tarixidagi eng yosh murabbiyga aylandi. Naglesmann ayni pallada 36 yoshu 327 kunlik yoshda.
JAMOAVIY REKORD VA ANTIREKORDLAR
Eng ko‘p chempion: Germaniya va Ispaniya - 3 marta
Eng ko‘p final: Germaniya - 6 marta
Eng ko‘p yarim final: Germaniya - 9 marta
Qatorasiga eng ko‘p ishtirok: Germaniya - 14 marta
Eng yuqori g‘alaba foizi: Niderlandiya - 51,3 (39ta o‘yindan 20ta g‘alaba)
Eng ko‘p uchralgan to‘qnashuv: Italiya - Ispaniya - 7 marta
Eng ko‘p o‘yin: Germaniya - 53ta
Eng ko‘p g‘alaba: Germaniya - 27ta
Eng ko‘p mag‘lubiyat: Daniya - 17ta
Eng ko‘p gol: Germaniya - 78ta
Eng ko‘p qo‘yib yuborilgan gol: Germaniya - 55ta
1ta o‘yinda o‘rtacha hisobda eng ko‘p gol: Niderlandiya - 1,67ta (39ta o‘yinda 65ta)
1ta o‘yinda o‘rtacha hisobda eng ko‘p qo‘yib yuborilgan gol: Yugoslaviya - 2,79ta (14ta o‘yinda 39ta)
Eng ko‘p mag‘lubiyatsiz turnir: Ispaniya - 5ta
Eng ko‘p g‘alabasiz turnir: Ruminiya - 4ta
1ta turnirda eng ko‘p gol: Fransiya - 14ta
1ta turnirda eng ko‘p qo‘yib yuborilgan gol: Yugoslaviya - 13ta
1ta turnirda eng uzun «quruq» seriya: Ispaniya - 509 daqiqa
1ta turnirda eng yaxshi gollar farqi: Ispaniya - +11
1ta turnirda eng yomon gollar farqi: Yugoslaviya, Daniya, Bolgariya, Irlandiya - -8
INDIVIDUAL REKORDLAR (MURABBIYLAR)
Eng ko‘p o‘yin: Yoaxim Lyov (Germaniya) - 21ta
Eng ko‘p g‘alaba: Yoaxim Lyov (Germaniya) - 12ta
Eng ko‘p ishtirok: Lars Lagerbek (Shvesiya, Islandiya), Yoaxim Lyov (Germaniya) - 4 marta
Eng uzun g‘alabali seriya: Mishel Idalgo (Fransiya), Rinus Mixels (Niderlandiya), Roberto Manchini (Italiya) - 5ta
Eng uzun mag‘lubiyatsiz seriya: Rinus Mixels (Niderlandiya), Visente del Boske (Ispaniya), Fernandu Santush (Portugaliya) - 8ta
Eng yosh murabbiy: Srechko Katanes (Sloveniya) - 36 yoshu 333 kunlik
Eng yoshi katta murabbiy: Jovanni Trapattoni (Irlandiya) - 73 yoshu 93 kunlik
INDIVIDUAL REKORDLAR (HAKAMLAR)
Eng ko‘p ishtirok: Anders Frisk (Shvesiya), Kim Milton Nilsen (Daniya), Junayt Chaqir (Turkiya), Byorn Koypers (Niderlandiya) - 3 marta
Eng ko‘p o‘yin: Junayt Chaqir (Turkiya), Byorn Koypers (Niderlandiya) - 9ta
1ta turnirda eng ko‘p o‘yin: Feliks Brix (Germaniya) - 5ta
INDIVIDUAL REKORDLAR (FUTBOLCHILAR)
Qatorasiga eng ko‘p final: Rayner Bonxof (Germaniya) - 3ta
Eng ko‘p ishtirok: Iker Kasilyas (Ispaniya), Krishtianu Ronaldu (Portugaliya) - 5 marta. Kasilyas 2ta turnirda maydonga tushmagan, Ronaldu esa 5tasida ham o‘ynagan.
Eng ko‘p chempion: 13 nafar futbolchi - 2 marta
Eng ko‘p medal: Rayner Bonxof (Germaniya) - 3ta (2ta «oltin» va 1ta «kumush»)
Eng ko‘p o‘yin: Krishtianu Ronaldu (Portugaliya) - 25ta
Eng ko‘p daqiqa: Krishtianu Ronaldu (Portugaliya) - 2153
Eng ko‘p g‘alaba: Krishtianu Ronaldu (Portugaliya) - 12ta
Maydonga tushgan eng yosh futbolchi: Kasper Kozlovski (Polsha) - 17 yoshu 246 kunlik
Finalda maydonga tushgan eng yosh futbolchi: Renato Sanshesh (Portugaliya) - 18 yoshu 327 kunlik
Maydonga tushgan eng yoshi katta futbolchi: Gabor Kiray (Vengriya) - 40 yoshu 86 kunlik
Finalda maydonga tushgan eng yoshi katta futbolchi: Yens Lemann (Germaniya) - 38 yoshu 232 kunlik
Eng ko‘p gol: Krishtianu Ronaldu (Portugaliya) - 14ta
1ta turnirda eng ko‘p gol: Mishel Platini (Fransiya) - 9ta
Finalda eng ko‘p gol: Gerd Myuller (Germaniya), Xorst Xrubesh (Germaniya), Oliver Birxoff (Germaniya) - 2ta
Eng ko‘p golli o‘yin: Krishtianu Ronaldu (Portugaliya) - 10ta
Eng uzun golli seriya: Mishel Platini (Fransiya) - 5ta
Eng ko‘p «xet-trik»: Mishel Platini (Fransiya) - 2ta
Eng tezkor «xet-trik»: Mishel Platini (Fransiya) - 18 daqiqa
Gol urgan eng yosh futbolchi: Yoxan Fonlanten (Shveysariya) - 18 yoshu 141 kunlik
Gol urgan eng yoshi katta futbolchi: Ivisa Vastich (Avstriya) - 38 yoshu 257 kunlik
Finalda gol urgan eng yosh futbolchi: Pyetro Anastazi (Italiya) - 20 yoshu 64 kunlik
Finalda gol urgan eng yoshi katta futbolchi: Leonardo Bonuchchi (Italiya) - 34 yoshu 71 kunlik
«Xet-trik»ka erishgan eng yosh futbolchi: Diter Myuller (Germaniya) - 22 yoshu 77 kunlik
«Xet-trik»ka erishgan eng yoshi katta futbolchi: Mishel Platini (Fransiya) - 28 yoshu 364 kunlik
Eng tezkor gol: Dmitriy Kirichenko (Rossiya) - 67-soniya
Finaldagi eng tezkor gol: Lyuk Shou (Angliya) - 120-soniya
Eng uzun «quruq» seriya: Edvin van der Sar (Niderlandiya), Iker Kasilyas (Ispaniya) - 9ta
1ta turnirda eng uzun «quruq» seriya: Iker Kasilyas (Ispaniya), Jordan Pikford (Angliya) - 5ta
Eng ko‘p qo‘yib yuborilgan gol: Petr Chex (Chexiya) - 21ta
1ta turnirda eng ko‘p qo‘yib yuborilgan gol: Ivisa Kral (Yugoslaviya) - 13ta
faktlar
* Yevropa chempionatida qatorasiga 4 marta debyutant jamoalar medal yutgan: 2ta «oltin» - Ispaniya (1964 yil) va Italiya (1968 yil) hamda 2ta «bronza» - Belgiya (1972 yil) va Niderlandiya (1976 yil).
* Qatorasiga 3 marta finalga chiqqan yagona jamoa - bu GFR/Germaniya termasi. Nemislar 1972, 1976 va 1980 yillar hal qiluvchi bahsda ishtirok etib, ularning 2tasida g‘alaba qozonishgan (1972 va 1980 yillar).
* Yevropa chempioni maqomiga erishgan sobiq ittifoq (1960 yil) va Chexoslovakiya (1976 yil) jamoalari hozirda yo‘q.
* Yevro-60da sovrindorlar qatoridan joy olgan 3ta jamoa ham hozirda mavjud emas: sobiq ittifoq («oltin»), Yugoslaviya («kumush») va Chexoslovakiya («bronza»).
* Yevropa chempionatida turli probali 9ta medalni o‘ziniki qilgan 3ta jamoa hozir mavjud emas: sobiq ittifoq - 4ta (1ta «oltin» va 3ta «kumush»), Chexoslovakiya - 3ta (1ta «oltin» va 2ta «bronza»), Yugoslaviya - 2ta (2ta «kumush»).
