“Chelsi”, “Arsenal” va Fransiya terma jamoasining sobiq himoyachisi Uilyam Gallas Portugaliya terma jamoasining 39 yoshli hujumchisi Krishtianu Ronalduning faoliyatini yakunlashi haqidagi fikrlari bilan o‘rtoqlashdi.
"Bir savolim bor. Sizningcha, u keyingi jahon chempionatida o‘ynaydimi? Menimcha ha. Kelgusi jahon chempionatida u 41 yoshda bo‘ladi, lekin uning formasi va urgan gollariga qarasangiz, men bu musobaqani ham maqsad qilib qo‘ymasligi uchun hech qanday sabab ko‘rmayapman.
Pepega qarang. U 41 yoshda va ushbu turnirda to‘p tepmoqda. U Yevropa chempionatida o‘ynagan eng keksa futbolchi bo‘ladi. Ronaldu o‘z rekordini ko‘rib chiqadi. Bu turnir Ronalduning so‘nggi raqsi bo‘lmaydi. Uning so‘nggi raqsi ikki yildan keyin jahon chempionatida bo‘ladi", - deydi Gallas.
