Portugaliya terma jamoasi Germaniyada bo‘lib o‘tayotgan Yevropa chempionatidagi yurishini Chexiya ustidan qozonilgan g‘alaba bilan boshladi. Uchrashuvdagi voqealar, shuningdek, Krishtianu Ronalduning o‘yinlari haqida Ispaniya terma jamoasining sobiq yarim himoyachisi Sesk Fabregas fikr bildirdi.
- Nima deyish mumkin, Ronalduning o‘yini yaxshi bo‘lsa, butun jamoaning o‘yini ham shunday. U har doim imkoniyat topadi. Unga bir daqiqa kerak. Menimcha, Ronaldu avvalgi yillardagidan ham yaxshiroq o‘ynayapti. "U noyob", - deya Fabregasning so‘zlarini keltiradi BBC Sport.
Yevropa chempionati guruh bosqichining navbatdagi turida Portugaliya terma jamoasi Turkiya terma jamoasiga qarshi maydonga tushadi.
