Португалия терма жамоаси Германияда бўлиб ўтаётган Европа чемпионатидаги юришини Чехия устидан қозонилган ғалаба билан бошлади. Учрашувдаги воқеалар, шунингдек, Криштиану Роналдунинг ўйинлари ҳақида Испания терма жамоасининг собиқ ярим ҳимоячиси Сеск Фабрегас фикр билдирди.
- Нима дейиш мумкин, Роналдунинг ўйини яхши бўлса, бутун жамоанинг ўйини ҳам шундай. У ҳар доим имконият топади. Унга бир дақиқа керак. Менимча, Роналду аввалги йиллардагидан ҳам яхшироқ ўйнаяпти. "У ноёб", - дея Фабрегаснинг сўзларини келтиради BBC Sport.
Европа чемпионати гуруҳ босқичининг навбатдаги турида Португалия терма жамоаси Туркия терма жамоасига қарши майдонга тушади.
