Polshaning raqamlashtirish vaziri o‘rinbosari Pavel Olshevskiyning aytishicha, Polsha televideniyesiga kiberhujum ortida Rossiya Federasiyasi turgan bo‘lishi mumkin.

Polshalik tomoshabinlar TVP Sport davlat teleradiokompaniyasining veb-sayti va ilovasida Yevro-2024 doirasidagi terma jamoalarining Niderlandiyaga qarshi o‘yinini translyasiya qilishda muammolarga duch kelishdi. Kanal direktori Yakub Kvyatkovski aralashuv sababi sifatida DDoS-hujumini keltirdi.

Polshaning raqamlashtirish vaziri o‘rinbosari Pavel Olshevskiy ta’kidlaganidek, "barcha izlar Rossiya Federasiyasiga olib boradi".

"Vaqt tasodifan tanlanmagan. Hujum deyarli soat 15:00da, ya’ni Polsha va Niderlandiya o‘rtasidagi o‘yin boshlanishida sodir bo‘ldi. Yaxshiyamki, xizmatlar va bizning kompyuter va jiddiy hodisalarga javob berish guruhlarimiz bir necha soniya ichida javob berishdi.

Bu DDoS hujumi bo‘lib, undan maqsad xizmatni o‘chirish, ya’ni Polsha fuqarolarini internet orqali o‘yinni tomosha qilish imkoniyatidan mahrum qilish edi. Hujumning bizning davlatimizdan amalga oshirilgani tashkilotchi haqida gapiradigan bo‘lsak, unchalik ko‘p narsani anglatmaydi", - dedi Olshevski.