Польшанинг рақамлаштириш вазири ўринбосари Павел Ольшевскийнинг айтишича, Польша телевидениесига киберҳужум ортида Россия Федерацияси турган бўлиши мумкин.
Польшалик томошабинлар TVP Sport давлат телерадиокомпаниясининг веб-сайти ва иловасида Евро-2024 доирасидаги терма жамоаларининг Нидерландияга қарши ўйинини трансляция қилишда муаммоларга дуч келишди. Канал директори Якуб Квятковски аралашув сабаби сифатида DDoS-ҳужумини келтирди.
Польшанинг рақамлаштириш вазири ўринбосари Павел Ольшевский таъкидлаганидек, "барча излар Россия Федерациясига олиб боради".
"Вақт тасодифан танланмаган. Ҳужум деярли соат 15:00да, яъни Польша ва Нидерландия ўртасидаги ўйин бошланишида содир бўлди. Яхшиямки, хизматлар ва бизнинг компьютер ва жиддий ҳодисаларга жавоб бериш гуруҳларимиз бир неча сония ичида жавоб беришди.
Бу DDoS ҳужуми бўлиб, ундан мақсад хизматни ўчириш, яъни Польша фуқароларини интернет орқали ўйинни томоша қилиш имкониятидан маҳрум қилиш эди. Ҳужумнинг бизнинг давлатимиздан амалга оширилгани ташкилотчи ҳақида гапирадиган бўлсак, унчалик кўп нарсани англатмайди", - деди Ольшевски.
