21 iyun kuni Germaniyaning Leypsig shahridagi "Red Bull-Arena — Sentralshtadion" stadioni maydonida 2024 yilgi Yevropa chempionati guruh turniri “D” guruhidan o‘rin olgan Fransiya hamda Niderlandiya terma jamoalari o‘rtasidagi 2-tur uchrashuvi yakuniga yetdi. O‘yin 0:0 hisobida durang bilan yakunlandi.
Opta Sport statistik portaliga ko‘ra, Niderlandiya to‘pga egalik qilish bo‘yicha Yevrodagi eng yomon o‘yinini o‘tkazgan - 37% (1980 yildan beri statistika).
“D” guruhida to‘rt ochkoga ega Niderlandiya peshqadamlik qilmoqda. Fransiya terma jamoasi (4) ikkinchi o‘rinni egallab turibdi. Avstriya uchinchi o‘rinda (3), Polsha esa to‘rtinchi o‘rinda (0).
