21 июнь куни Германиянинг Лейпциг шаҳридаги "Ред Булл-Арена — Центральштадион" стадиони майдонида 2024 йилги Европа чемпионати гуруҳ турнири “D” гуруҳидан ўрин олган Франция ҳамда Нидерландия терма жамоалари ўртасидаги 2-тур учрашуви якунига етди. Ўйин 0:0 ҳисобида дуранг билан якунланди.
Opta Sport статистик порталига кўра, Нидерландия тўпга эгалик қилиш бўйича Евродаги энг ёмон ўйинини ўтказган - 37% (1980 йилдан бери статистика).
“D” гуруҳида тўрт очкога эга Нидерландия пешқадамлик қилмоқда. Франция терма жамоаси (4) иккинчи ўринни эгаллаб турибди. Австрия учинчи ўринда (3), Польша эса тўртинчи ўринда (0).
