Ruminiya terma jamoasi himoyachisi Radu Dregushin jamoasining Belmgiya terma jamoasiga qarshi 2024 yilgi Yevropa chempionati 2-tur uchrashuvidagi mag‘lubiyati (0:2) haqida fikr bildirdi, shuningdek, terma jamoaning 1/8 finalga chiqish ehtimoli haqida gapirdi.

"Bugun biz uchun qiyin o‘yin bo‘ldi. Kuchli jamoaga, kuchli futbolchilarga qarshi turdik. Bizda imkoniyatlar bo‘ldi, ikkinchi bo‘limni yaxshi o‘tkazdik, lekin nima yetishmaganini bilmayman. Imkoniyat bo‘lganida ular ko‘proq konsentrasiya ko‘rsatishdi. Uchrashuvni o‘tkazib yuborilgan gol bilan boshlashimiz qiyin bo‘ldi. Saralash bosqichida Isroil bilan ham xuddi shunday tajribaga ega bo‘ldik, biroq vaziyatni o‘nglab, o‘zgartirishga muvaffaq bo‘ldik. Bugun biz uchun nimadir ish bermadi.

O‘ylaymanki, himoyamiz hal qiluvchiroq bo‘lishi kerak edi, ammo Slovakiyaga qarshi o‘yinda guruh bosqichidan chiqishga loyiq ekanimizni ko‘rsatamiz. Men imkoniyatlarimizga ishonaman. Biz maqsadimizga etibor qaratamiz, baribir o‘zimiz xohlagan narsaga erisha olamiz", - deya Dregushin so‘zlarini keltiradi UEFA matbuot xizmati.