Руминия терма жамоаси ҳимоячиси Раду Дрэгушин жамоасининг Белmгия терма жамоасига қарши 2024 йилги Европа чемпионати 2-тур учрашувидаги мағлубияти (0:2) ҳақида фикр билдирди, шунингдек, терма жамоанинг 1/8 финалга чиқиш эҳтимоли ҳақида гапирди.

"Бугун биз учун қийин ўйин бўлди. Кучли жамоага, кучли футболчиларга қарши турдик. Бизда имкониятлар бўлди, иккинчи бўлимни яхши ўтказдик, лекин нима етишмаганини билмайман. Имконият бўлганида улар кўпроқ концентрация кўрсатишди. Учрашувни ўтказиб юборилган гол билан бошлашимиз қийин бўлди. Саралаш босқичида Исроил билан ҳам худди шундай тажрибага эга бўлдик, бироқ вазиятни ўнглаб, ўзгартиришга муваффақ бўлдик. Бугун биз учун нимадир иш бермади.

Ўйлайманки, ҳимоямиз ҳал қилувчироқ бўлиши керак эди, аммо Словакияга қарши ўйинда гуруҳ босқичидан чиқишга лойиқ эканимизни кўрсатамиз. Мен имкониятларимизга ишонаман. Биз мақсадимизга этибор қаратамиз, барибир ўзимиз хоҳлаган нарсага эриша оламиз", - дея Дрэгушин сўзларини келтиради УEФА матбуот хизмати.