Madridning "Real" klubi hujumchisi Vinisius Junior Braziliya terma jamoasidagi golsiz seriyasini davom ettirdi.
23 yoshli futbolchi Amerika kubogi guruh bosqichi 1-turida Kosta-Rika terma jamoasiga qarshi o‘yinda (0:0) pentakampeonlar tarkibida asosiy tarkibda maydonga tushdi, ammo o‘zini ko‘rsata olmadi va 71-daqiqada almashtirildi.
Vinisius Braziliya terma jamoasi safida qatorasiga 9 o‘yindan beri gol ura olmayapti. "Real Madrid" yulduzining terma jamoadagi so‘nggi goli o‘tgan yilning 17 iyuniga to‘g‘ri kelgan - o‘shanda forvard Gvineya bilan o‘rtoqlik uchrashuvida (4:1) gol urgan edi. Agar faqat rasmiy o‘yinlar haqida gapiradigan bo‘lsak, Braziliya hujumi yetakchisi JCH-2022 Janubiy Koreya terma jamoasiga qarshi o‘yindan keyin umuman gol ura olmadi.
Umuman olganda, Vinisius Braziliya terma jamoasi safida 31 marta maydonga tushib, bor-yo‘g‘i uchta gol urgan.
