Seru Girassi Dortmundning "Borussiya"siga o‘tishga yaqin turibdi.
Insayder Fabrisio Romanoning so‘zlariga ko‘ra, Dortmundliklar Girassi transferga rozi bo‘lgunga qadar shtutgartlik hujumchi bilan bir necha oy davomida muzokara olib borgan. Yaqin orada klublar o‘rtasida muzokaralar boshlanishi kutilmoqda - "Borussiya" futbolchining 17,5 million yevro miqdoridagi tovon pulini to‘lashga tayyor.
O‘tgan mavsumda Girassi Bundesligada faqat Xarri Keyndan ortda qolib, ikkinchi to‘purarga aylandi - "Shtutgart" uchun 28 ta o‘yinda forvard 28 ta gol va 2 ta golli uzatmani amalga oshirdi.
