Lionel Messi Argentinaning Amerika kubogi guruh bosqichida Peruga qarshi o‘yinini o‘tkazib yuboradi.

O‘yin 30 iyun kuni bo‘lib o‘tadi (Toshkent vaqti bilan 30 iyun soat 05:00da boshlanadi). Argentinaliklar turnirning chorak finaliga yo‘llanmani qo‘lga kiritishdi.

Jurnalist Gaston Edule xabariga ko‘ra, "Inter Mayami"ning 37 yoshli hujumchisi bugun tibbiy ko‘rikdan o‘tishi rejalashtirilgan. Messining Chili bilan o‘yinda (1:0) mushaklari shikastlangan.

Futbolchi chorak finalga yaxshiroq tayyorgarlik ko‘rish uchun har qanday holatda ham peruliklarga qarshi o‘yinni o‘tkazib yuborishi kutilmoqda.