Лионель Месси Аргентинанинг Америка кубоги гуруҳ босқичида Перуга қарши ўйинини ўтказиб юборади.
Ўйин 30 июнь куни бўлиб ўтади (Тошкент вақти билан 30 июнь соат 05:00да бошланади). Аргентиналиклар турнирнинг чорак финалига йўлланмани қўлга киритишди.
Журналист Гастон Эдуле хабарига кўра, "Интер Майами"нинг 37 ёшли ҳужумчиси бугун тиббий кўрикдан ўтиши режалаштирилган. Мессининг Чили билан ўйинда (1:0) мушаклари шикастланган.
Футболчи чорак финалга яхшироқ тайёргарлик кўриш учун ҳар қандай ҳолатда ҳам перуликларга қарши ўйинни ўтказиб юбориши кутилмоқда.
