Shveysariya terma jamoasi darvozaboni Yann Zommer Jorjinyoning mashhur penaltilari haqida savol oldi.
Jamoalar Qatar-2022 Jahon chempionati saralash bahslarida ikki bor durang o‘ynagan. Har ikki uchrashuvda "adzurri" yarim himoyachisi Jorjinyo penaltidan foydalana olmadi, natijada Italiya to‘g‘ridan-to‘g‘ri jahon chempionatiga chiqa olmadi, keyin esa kutilmaganda pley-offda Shimoliy Makedoniyaga mag‘lub bo‘ldi.
Shanba kuni italiyaliklar va shveysariyaliklar Yevropa chempionatining 1/8 finalida maydonga tushishadi.
"Jorjinyo bizga qarshi yana penalti tepishini istamasdim. O‘sha xatolar biz uchun jahon chempionati yo‘llanmasini qo‘lga kiritish nuqtayi nazaridan muhim edi, ammo bu allaqachon o‘tmishda, bo‘lajak o‘yin butunlay boshqa voqea.
Men bu penaltilarni eslash uchun bu yerga kelganim yo‘q", - dedi Zommer matbuot anjumanida.