Швейцария терма жамоаси дарвозабони Янн Зоммер Жоржиньонинг машҳур пенальтилари ҳақида савол олди.
Жамоалар Қатар-2022 Жаҳон чемпионати саралаш баҳсларида икки бор дуранг ўйнаган. Ҳар икки учрашувда "адзурри" ярим ҳимоячиси Жоржиньо пенальтидан фойдалана олмади, натижада Италия тўғридан-тўғри жаҳон чемпионатига чиқа олмади, кейин эса кутилмаганда плей-оффда Шимолий Македонияга мағлуб бўлди.
Шанба куни италияликлар ва швейцарияликлар Европа чемпионатининг 1/8 финалида майдонга тушишади.
"Жоржиньо бизга қарши яна пенальти тепишини истамасдим. Ўша хатолар биз учун жаҳон чемпионати йўлланмасини қўлга киритиш нуқтайи назаридан муҳим эди, аммо бу аллақачон ўтмишда, бўлажак ўйин бутунлай бошқа воқеа.
Мен бу пенальтиларни эслаш учун бу ерга келганим йўқ", - деди Зоммер матбуот анжуманида.