Italiyaning "Komo" klubi murabbiyi Sesk Fabregas Yevro-2008da g‘olib chiqqan Ispaniya termasi bilan hozirgi jamoaning o‘xshashliklari borasidagi savolga javob berdi.
"Shubhasiz, o‘xshashliklar bor. Juda ham o‘xshash elementlar mavjud. Bizga ham kam odam ishongandi.
Raul, Salgado, Kanizares, Albelda va boshqalar kabi katta tajribaga ega futbolchilar ketishdi va yosh avlod qayta shakllandi, murabbiy yagona jamoa tuzdi va bu juda yaxshi ishladi. Hozirgi ispanlarda ham xuddi shunday holatni ko‘rish mumkin", – dedi Fabregas.