Kiyevning “Dinamo” klubi va Ukraina terma jamoasi yarim himoyachisi Nikolay Shaparenko faoliyatini Italiyaning “Lasio” klubida davom ettirishi mumkin, deya xabar bermoqda Calcio Mercato nashri.

Manbaga ko‘ra, rimliklar Shaparenkoning Yevro-2024dagi o‘yinini kuzatishgan va yarim himoyachi uchun 10 million yevro to‘lashga tayyor.

O‘tgan mavsumda 25 yoshli Nikolay Shaparenko “Dinamo” safida 26 ta o‘yinda maydonga tushib, 5 ta gol urdi va 8 ta golli uzatmani amalga oshirdi. Transfermarkt portali ukrainalik futbolchining narxini 9 million yevroga baholamoqda.