Киевнинг “Динамо” клуби ва Украина терма жамоаси ярим ҳимоячиси Николай Шапаренко фаолиятини Италиянинг “Лацио” клубида давом эттириши мумкин, дея хабар бермоқда Calcio Mercato нашри.
Манбага кўра, римликлар Шапаренконинг Евро-2024даги ўйинини кузатишган ва ярим ҳимоячи учун 10 миллион евро тўлашга тайёр.
Ўтган мавсумда 25 ёшли Николай Шапаренко “Динамо” сафида 26 та ўйинда майдонга тушиб, 5 та гол урди ва 8 та голли узатмани амалга оширди. Transfermarkt портали украиналик футболчининг нархини 9 миллион еврога баҳоламоқда.
