«Барселона» ярим ҳимоячи Марк Бернални Маркус Рэшфордга алмашиш имкониятини рад этди.
«Манчестер Юнайтед» раҳбарияти инглиз вингери бўйича музокараларда ён беришга тайёр эди, бироқ битимга «кўк-анорранглилар»нинг истиқболли ярим ҳимоячисини қўшишни талаб қилди. Mundo Deportivo хабарига кўра, «Барселона» бу вариантни дарҳол рад этган, 19 ёшли испаниялик футболчининг ўзи ҳам бунга қизиқиш билдирмаган.
Маркус Рэшфорднинг Transfermarkt сайтидаги тахминий қиймати 40 миллион еврони, Марк Бернальнинг нархи эса 30 миллион еврони ташкил этади. Эслатиб ўтамиз, «қизил иблислар» тарбияланувчиси ўтган мавсумни каталонияликлар сафида ижара асосида ўтказган эди.
