«Бавария» вингери Майкл Олисе шу ёз жамоасини ўзгартириши мумкин.
Журналист Санти Аунанинг маълумотига кўра, франциялик футболчи «Реал»га ўтишни талаб қилмоқда. У Мадрид клубини ўз ўсишини давом эттириш учун идеал жой деб ҳисоблайди. «Қаймоқранглилар» футбол тарихидаги рекорд трансферни амалга оширишга тайёр, аммо «Бавария» Олисе сотилмаслигини таъкидлашда давом этмоқда.
Мюнхенликлар франциялик футболчига янги шартнома таклиф қилмоқчи, шу билан бирга, агар «Реал»га ўтиш амалга ошиб қолса, унинг ўрнини боса оладиган вариантларни махфий равишда кўриб чиқмоқда. Олисе ўз келажаги борасидаги қарорини Жаҳон чемпионати якунланганидан сўнг «Бавария» раҳбарияти билан муҳокама қилади.
