«Inter» Albert Gudmundsonni «Jenoa»dan ijaraga olmoqchi.

"Corriere Dello Sport" ma’lumotlariga ko‘ra, «nerradzurilar» rahbariyati 27 yoshli islandiyalik futbolchi ijarasi uchun 10 million yevro to‘lashga tayyor.

Shu bilan birga, «Inter» shartnomada majburiyat emas, balki faqat sotib olish huquqini belgilashga tayyor. Milanliklar Gudmundsonni sotib olish uchun keyinchalik 15 million yevrodan ortiq mablag‘ sarflash niyatida emas.

Shunday qilib, bitimning umumiy summasi 25 million bo‘lishi mumkin, «Jenoa» rahbariyati esa kamida 30 million olishni kutmoqda.

Avvalroq «Inter»ning «Jenoa» bilan kelishuviga aralashuvi mumkin bo‘lgan «Yuventus»ning Gudmundsonga qiziqishi haqida xabar berilgandi.