“Bordo” futbol klubi moliyaviy muammolar tufayli Fransiyaning uchinchi divizioniga tushiriladi. Bu haqda RMC Sport internet nashri xabar berdi.

Manbaga ko‘ra, jirondinliklar endi futbol rahbariyatiga Milliy ligada omon qolish uchun yetarli mablag‘ga ega bo‘lish kafolatlarini taqdim etishlari kerak. Aks holda klub to‘rtinchi yoki beshinchi divizionga tushib qolish xavfi ostida qoladi.

"Bordo" klubi 2022/2023 yilgi mavsumdan boshlab Fransiyaning 2-ligasida o‘ynab kelmoqda.

“Bordo” o‘tgan mavsumni Fransiya 2-ligasi turnir jadvalida 38 o‘yindan so‘ng 50 ochko jamg‘arib, 12-o‘rinda yakunladi.