“Бордо” футбол клуби молиявий муаммолар туфайли Франциянинг учинчи дивизионига туширилади. Бу ҳақда RMC Sport интернет нашри хабар берди.
Манбага кўра, жирондинликлар энди футбол раҳбариятига Миллий лигада омон қолиш учун етарли маблағга эга бўлиш кафолатларини тақдим этишлари керак. Акс ҳолда клуб тўртинчи ёки бешинчи дивизионга тушиб қолиш хавфи остида қолади.
"Бордо" клуби 2022/2023 йилги мавсумдан бошлаб Франциянинг 2-лигасида ўйнаб келмоқда.
“Бордо” ўтган мавсумни Франция 2-лигаси турнир жадвалида 38 ўйиндан сўнг 50 очко жамғариб, 12-ўринда якунлади.
