26-iyul, juma kuni Parijdagi Olimpiya o‘yinlarining ochilish marosimi oldidan amerikalik reper Snup Dog Olimpiada olovi mash’alasini olib yuruvchilaridan biri bo‘ladi.
Bundan tashqari, Snup Dog o‘yinlarda NBC telekanalining maxsus muxbiri ham bo‘ladi.
SVT Nyheter ma’lumotlariga ko‘ra, Snup Dog oxirgi bosqichda Olimpiya olovini Parijning shimoliy chekkasidan Olimpiya shaharchasining bir qismi joylashgan Sen-Deni, shuningdek, "Stad de Frans" stadioni va yangi Olimpiya suv sporti markazi orqali olib o‘tadi.
Mash’alani ko‘taruvchilar orasida aktrisa Letisiya Kasta va reper MC Solaar, shuningdek, ukrainalik sobiq tayanib sakrash ustasi Sergey Bubka bo‘ladi.
