Fransiya prezidenti Emmanuel Makron isroillik sportchilarni Parij-2024da ko‘rishdan mamnun.

“Biz isroillik sportchilarni Fransiyada ko‘rishdan xursand bo‘lamiz. Ular o‘z milliy bayrog‘i ostida chiqish qilishlari mumkin”, — dedi Makron.

Uning ta’kidlashicha, ularning xavfsizligini ta’minlash Fransiyaning mas’uliyatiga kiradi. Shuningdek, u Isroil Bosh vaziri Binyamin Netanyaxuni Olimpiada ochilish marosimida ko‘rishdan xursand bo‘lishini ta’kidladi.

Eslatib o‘tamiz, avvalroq Falastin Milliy olimpiya qo‘mitasi (MOQ) Xalqaro olimpiya qo‘mitasi rahbari Tomas Baxdan isroillik sportchilarning Olimpiya o‘yinlarida qatnashmasligini ta’minlashini so‘ragan edi.