Sportchilar Parijdagi Olimpiya shaharchasining asosiy restoranida oziq-ovqatning yetarli emasligi va ba’zi mahsulotlarni qayta yetkazish tezligi pastligi haqida shikoyat qilishdi.
Misol uchun, 24-iyul, chorshanba kuni nonushta uchun tuxum yetishmadi. Ovqatlanish uchun mas’ul bo‘lgan kompaniya, sportchilarning fikr-mulohazalariga juda jiddiy munosabatda bo‘lishini va yetkazib berish ustida faol ishlayotganini aytdi.
Ta’kidlanishicha, tuxum va go‘sht kabi ba’zi mahsulotlarning yetkazib berish hajmi oshirildi.
O‘yinlar vaqtida 600 tonna miqdorgacha oziq-ovqat mahsulotlarini yetkazib berishga mas’ul bo‘lgan Carrefour kompaniyasi bu boradagi sifatni qayta ko‘rib chiqishini aytdi.
