“Barselona” hujumchisi Vitor Roke “Al-Hilol”ning transfer maqsadiga aylandi.
Braziliyalik futbolchi Kataloniya klubiga moslashishda qiyinchiliklarga duch kelmoqda, shu bois «ko‘k-anorranglilar» rahbariyati 19 yoshli futbolchini sotish imkoniyatini ko‘rib chiqishga tayyor. Insayder Fabrisio Romano xabariga ko‘ra, "Al-Hilol" yaqinda Roke transferi bo‘yicha "Barselona" bilan bog‘langan. Saudiya Arabistoni chempionlari futbolchini o‘z short-listiga kiritdilar. Bitim taqdiri forvardning o‘zi qaroriga bog‘liq bo‘ladi.
Eslatib o‘tamiz, “Barselona” Vitor Rokeni yil boshida “Atletiko Paranaense”dan 40 million yevro evaziga sotib olgandi. Braziliya A seriyasining sobiq yulduzi kataloniyaliklar safida 16 o‘yinda atigi 2 ta gol urgan.
