“Барселона” ҳужумчиси Витор Роке “Ал-Ҳилол”нинг трансфер мақсадига айланди.
Бразилиялик футболчи Каталония клубига мослашишда қийинчиликларга дуч келмоқда, шу боис «кўк-анорранглилар» раҳбарияти 19 ёшли футболчини сотиш имкониятини кўриб чиқишга тайёр. Инсайдер Фабрицио Романо хабарига кўра, "Ал-Ҳилол" яқинда Роке трансфери бўйича "Барселона" билан боғланган. Саудия Арабистони чемпионлари футболчини ўз шорт-листига киритдилар. Битим тақдири форварднинг ўзи қарорига боғлиқ бўлади.
Эслатиб ўтамиз, “Барселона” Витор Рокени йил бошида “Атлетико Паранаэнсе”дан 40 миллион евро эвазига сотиб олганди. Бразилия А сериясининг собиқ юлдузи каталонияликлар сафида 16 ўйинда атиги 2 та гол урган.
