"Manchester Siti" hujumchisi Erling Xoland ta’til paytida futbol tomosha qilishga ko‘p vaqt sarflamaganini aytdi.
Norvegiya terma jamoasi Yevropa chempionatiga chiqa olmadi, shuning uchun yulduz forvard dam oldi, uning ko‘plab jamoadoshlari o‘z terma jamoalari sharafini himoya qildi.
"Men Yevroni ko‘p kuzatmadim, futbol haqida tez-tez o‘ylashga vaqtim bo‘lmadi. Finalni [Ispaniya – Angliya] biroz tomosha qildim, lekin nima deyishni bilmayman, menga baribir”, — deya yaqinda 24 yoshini nishonlagan futbolchining so‘zlarini keltiradi City Xtra.
