"Real Madrid" darvozaboni Tibo Kurtua o‘tgan yozda Madrid klubiga ko‘chib o‘tgan jamoa yarim himoyachisi Ardu Gyulerni maqtadi. Belgiyalik darvozabonning so‘zlariga ko‘ra, Gyuler yil davomida juda o‘zgargan.
"Bu o‘tgan yozga nisbatan boshqacha Gyuler. U tizzasidan jarohat olganidan beri sport zalida qattiq mehnat qilmoqda va uning jismoniy jihatdan qanday o‘zgarganini ko‘rishingiz mumkin. U hujumda yaxshi, to‘p uzatishda yaxshi. Bizda yaxshi o‘yinchilar ko‘p va ular raqobatlashadi. Bu "Real Madrid"ga "Real" bo‘lib qolishiga va sovrinlar yutishiga yordam beradi", - dedi Kurtua.
"Real" 2024/2025 yilgi mavsumdagi ilk rasmiy o‘yinni 14 avgust kuni UEFA Superkubogi uchun "Atalanta"ga qarshi o‘tkazadi.
